Kondolenzbuch

Grias di Lorenz!

Danaxt bin i bei da Christl dahoam obn gwen und i kunns immer no nit glabn dass du nimmer do bist. Wia oft hun i mia gwinscht das des nur a böser Tram is und du irgendwo umma bist wenn i bei enk vorbeifohr.Du gehst ins oinan so chrecka oh und i hoff so sehr  dass du oiwei zu ins ochaschaugst und vor allem auf dei Familie aufpsasst. Jo Weihnachten ohne di  i kunnmmas no gor nit vorstoin. Woast es geht hoit einach eppas oh und des bist du  !!!  I hoff es hobs es do ohm zu Weihnachten mit Papa und mama nett und schaugs auf ins ocha. Grias ma alle do obn !        I denk sooo oft an di,-

Papa, ez muasi da wos dazoin

Bei da Mama om im Gong häng des große Bild vo dir mim Benno. Jeds moi wenni an Elio noch sein Mittagschlafei hoi mias ma bei dem Buid stehbleim weil da Elio si des imma uschaun wui, ea ku zwor leida nu nid reden owa mia kimb oiwai fi ea wui da wos vazoin ..don stehn ma do hoid oiwai und ren mit dia und don wea i imma traurig weil is ma so sehr gewünscht hätt das da Bua mit dir aufwachsen ku, i woas du hättst eam sofui gleant. As Schneeschaufen, as Traktor fohn, as heing und as meichn. 

Im Wohnzimma steht a Buid vo dir und a do schaut da Elio imma hi wenna einekimb, nid long hea do hoda da sogor gwunkn. Owa i bi ma sicha du host des vo om gsehen und host eam zruggwunkn.

As Lem ohne di is oiwai nu so schwa, wia gean hätt ma di bei ins do. 

I vamiss di Papa, i dad ois dafia gem dasi di moi besuchen kemma kunnt do om.

Dei Diandl❤️

Papa, i hätt ghofft es wead ois leichta mit da Zeit, owa es is ois oiwai nu so schwa wia am Ufong. So oft denk i an den Tog zrug wo du deine Aung fia imma zuatu host..don denk i ma du bist erlöst won vo deim leidn und vo deim weh, mia oi hom jede Sekund mit dir gelittn und mia leidn imma nu weilst ins oina so feihst ..

I hoff du host es schee do om und schaust auf ins. I dad di so gern moi besuchen, hätt da soviel zum dazoin. 

Komisch is des wenn ma hoamkimb und du bist niagends umma..auf da Hausbonk oda im Stoi oda aufn Traktor homa di woi oiwai gfundn. Es is ois so laar ohne di Papa.

Griaß an Benno vo mia und sog eam dasa ma a so ogeht. Da Benno is da vorraus gonga und hod da do om sicha an bestn Plotz freikoitn❤️ 

I vamiss di so, dei Shirin

A  Monat is eats scho her und koa Tog vergeht wo i nid an di denk und di so schrecka vermiss. Mia zreissts as Herz wenn i dru denk das i die nimma sich, mechat so gern ratschn mit dia und da so fui dazoin. Gehst ins oina so oh Papa, ohne die is oafoch nimma des wos wor und werds a nie mehr sei. I hoff dia gehts guad und du schaust oiwei owa auf ins und gibst ins a Kroft.

I hu die so wahnsinnig lieb und dad ois dafi gem das i da des numoi song ku.

I vermiss di, dei Conny ❤️

Gehst ins oina narrisch o Papa. Koa Tog vergeht wo i di nid furchtbor vermiss und di gern do bei ins hätt. Schod das da Himme so weit weck is, mia dadn da gern so fü dazoin. Hoff dia gehts guad und du schaust jeden Tog auf ins owa und bist stoiz.

Hob di immer bei mir ❤️ dei Conny 

Leise ging er von uns fort, aber nicht weit, ganz nah ist er stets dort, wo sich Gedanken und Gefühle berühren und uns gemeinsam in Erinnerung führen. Meine Aufrichtige Anteilnahme der ganzen Familie für den Schmerzlichen Verlust

Liebe Christl,liebe Kinder,liebe trauerfamilie!  Obwohl wir wussten,dass Lorenz gehen muss ,so ist es doch schwer zu verstehen,dass es jetzt endgültig ist.lorenz hat in seinem Leben so viel gutes getan, RESPEKT, der Herrgott gibt ihm sicher a wunderschönes Platzerl.Und er schaut nun von oben auf seine geliebte Familie.Walter ist sehr traurig,so gern hätte er Lorenz auf seinem letzten Weg begleitet.Lorenz Wir vergessen dich nie,du hast für immer einen Platz in unseren Herzen.Euch allen unser inniges Mitgefühl und viel Kraft in dieser schwierigen Zeit. Walter und Kathi🕯✨️🥀

Papa, mei Herz is brochn. Oi homa ghofft dast endlich vo deim longen Leiden erlöst weast owa eza wo du dei letzte Reise an Himme aufe angetrettn host wünsch i ma di wieda owa. I vamiss di so unendlich fui und wünsch ma so sehr de Tog zrug wo ma oi zom in insan Hittei gsitzt sind und iwa deine Schmees und Witze glocht hom.
Di jeden Tog so gezeichnet vo deina Krankheit sehen zu müssen und da oafoch nid heifn zkenna hod ma im Herzen jeds moi so weh tu. 
Papa, i woas dia gehts do om ez guad und i bi ma sicha da Benno hod om auf di gwort so wia as jedn Tog adafria tu hod wiast an Stoi gonga bist und trotzdem ku i ma as Lem do herunt ohne di gonid vorstoin. 

Danke fi dei endlose Liebe, fi deine Ratschläge wenn i nimma weiter gwisst hu,fi deine Witze de wos mi imma aufgemuntert hom..Danke fi oanfoch alles was du für mi/uns tu host! 

Fi mi bist ez da hellste Stern am Himme.🌟
I freu mi scho ez auf unser Wiedersehen und bis dahin wünsch i ma das dast do om guad geh lost, mit deine oitn Freind a Gaudi host und dast imma a Aug auf ins oi host. 

Danke fia ois Papa. 
Dei Diandl.

Unser Beileid an Familie Niedermooser, Kinder , Enkelkinder, Freunde und Verwandte. 

In der schweren Zeit des Verlustes wünschen wir euch viel Kraft.

Lieben Dank Lorenz für meine schöne Errinerungen Dank dir. Das Traktor fahren, das Melken und alles was du mir/ uns so gezeigt hast. Auch heute noch schaue ich auf eine schöne Zeit auf dem Hof zurück und bin sehr dankbar dafür.

Für deine letzte Reise nur das beste ❤️

Mayra Yanik & Familie

Sandra Bohnhage & Familie

Fi di wors a Erlösung, fi mi da größte Schmerz. Fi di wors Frieden, fi mi de Hölle.

Und decht, unendlich froh bin i, dass da eats endlich guad geht Papa. A schlimme Zeit homma hinta ins und decht hommas oi mitnond gschofft. As Mitanond wor dia oiwei as Wichtigste und des homma da versprochen. Moch da koane Sorgen um de Mama und deine Buam & Diandln. Mia hom insa Familie und so viele tolle Freunde und Bekannte.

Schau owa auf ins und pass auf ins oi auf, wiast es oiwei scho tu host. Mia vermissen di scho eats unbeschreiblich, es is so laar & leise ohne di.

Sog da Andrea an scheen Gruaß fu mia und dads nid zwuid do om es zwoa und vergiss ma nid an Benno griaßn, sogst erm i vermissn.

Danke Papa fi ois, du worst z‘guad fi de Welt, desswegen host wo onders higeh miasn.

In ewiger Liebe, dei Conny ❤️

Lenz mochs guad auf deina letztn Roas.

Mia homb mitanond lustige und schene Stundn verbrocht werscht ins recht ogeh.

Pfiat di