Liebe Mama, liebe Oma❤️
Seit Tagen vasuach i de richtign Worte z‘findn owa irgendwie gibs de ned, weil jeder der di nur a bissl kennt hod woas, wos für a unbeschreiblich toller Mensch du worst. 🕊
I weas nia vagessn, des dahoam bei da Tir eine z‘geh und mit offenen Armen und Ohren emfonga z‘wean.
Des „mogst eh an Kaffee, wia oiwei“ oda des “huck di her, mogst eh sicha a wos zum Essen“
de innigen und vertrautn Gespräche auf da Terasse mit an Kaffee, denst ma mit vollster Liebe zubereitet host.❤️
Des „stöh di ned so u, wead scho guad geh“, wenn i moi wieder zweifelt hob.
Dei ehrliche Meinung, wenn i moi wieda ned weida gwisst hob.
Dei Ausbessern und Visteh, wenn i moi wieda an Bledsinn baut hob, owa donn a deine zurechtweisenden Worte, de mi wieda auf de richtige Spur brocht hom.
De Momente wo‘s oafoch amoi stad wor und ma donn beide glocht hom, weil ins grod des Gleiche an Sinn kema is.
Dei liebevolle, hingebende und aufopfernde Ort, es wor imma ois so selbstverständlich für di❤️
und plötzlich is des ois nimma und es is so unbegreiflich.😭
Ois wos di ausgmocht hod, ois wos du für ins tu host, ois wos ma mitnon erleb‘n hom deafn, und ois wos du für ins bist, für des homma etz “nur mehr“ de schönen Erinnerungen de uns auf ewig bleim.🤍
Du worst insa Antrieb und insa Anker, de de imma auf ins gschaut hod, host di söwa nia in Vordergund gstöht, dia wors oafoch nur wichtig, dass ins, deine Liabstn, guad geht. ❤️
de Nochricht, „ois ok bei enk“, „wia gehts mein Prinz“ und „wos treibs denn imma“, de du gschrim host, weils de Zeit moi ned zualossn hod und mia ins a Boisei ned troffn hom, fein ma so sehr. 😔
Heid wünschat ma ins nix mehr, als dass ma nu so vü mehr Zeit mit dir hom kunntn und du deina Leidenschaft nochgeh kunnst, mit vollster Liebe, Fürsorge und Hingabe du de beste Mama für ins und de coolste Oma für dein Prinz sei kunnst. 😭❤️
Umso schwara foits ins, weil ma an Felix nur mehr dazöhn kenan, wos für a unglaubich toller Mensch sei Omi gwesn is und wos für Pläne sie scho geschmiedet kob hod mit eam. 😭
Wia sche wars gwen, wenns de Pläne gemeinsom umgsetzt hätts.🤍
Wia schee wars, wennst heid nu dein unbeschreiblichen Stolz, auf ins, noch außen trog‘n kunnst.
dei Lebensweg, dei unbändiger Lebenswille, dei Stärke und dei positive Einstellung, bis zum Schluss, mocht uns nu viel stolzer auf di.❤️
„De Zeit heilt olle Wunden“ und „bis zum heiratn weads scho wean“ host imma gsog.
Heid bin i verheiratet, owa diese Wunden wean nie komplett heilen😭
Es bleib nimma fü zum sog‘n außer dass ma di über alles lieben, du ins unheimlich fehlst und mia des ois ned wohr hom woin😭
Mia wissn, dass du etz vo do Oben auf uns schaust und iwaroi dabei bist, owa es is ned de Gleiche, wia wennst oafoch do warst😭
Mochs guad Mama und Oma🕊️🕯️
Pass auf auf ins 🤍
du weast imma, in unsere Herzen, a gonz besonderer und wichtiga Teil, vo uns Olle, bleim❤️
Mia wean di imma an unsam Leben teil hom lossn und di nie vergessn. 🤍
In Liebe und für Immer unvergessen🕯️🥀
dei Bua Mani, dei Enkei und Prinz Felix🤍🕊️
